Ümumi təhsil bazasında (9 illik) kolleclərə qəbul olmaq istəyən abituriyentlərin nəzərinə!

Ümumi təhsil bazasında (9 illik) kolleclərə qəbul olmaq istəyən abituriyentlərin nəzərinə!

Hörmətli abituriyentlər! 
Bildiyiniz kimi ,Tələbə Qəbulu üzrə Dövlət Komissiyası ümumi orta təhsil bazasında (9 illik) orta ixtisas təhsili müəssisələrinə (kolleclərə) qəbul qaydalarında müəyyən dəyişiklik etmişdir. Həmin dəyişikliyə əsasən, bu il buraxılış imtahanlarının nəticələri əsasında ümumi təhsil bazasında orta ixtisas təhsili müəssisələrinə müsabiqə aparılacaqdır. Belə ki, 9-cu sinifi bitirən şagirdlərdən kolleclərin müsabiqəsində iştirak etmək istəyənlər buraxılış imtahanının nəticəsinə əsasən, ixtisas seçimi edə biləcəklər. Başqa sözlə, 9-cu sinifi bu il bitirən və kolleclərə qəbul olmaq istəyənlər üçün ayrıca imtahan keçirilməyəcəkdir. Orta ixtisas təhsili müəssisələrinə ümumi orta təhsil bazasında ayrıca imtahan yalnız əvvəlki illərin məzunları (9-cu sinifi əvvəlki illərdə bitirənlər) üçün keçiriləcəkdir. Həmin imtahanın iyun ayının 29-da keçirilməsi nəzərdə tutulur.

Kolleclərə ümumi orta təhsil bazasında (9 illik) qəbul imtahanlarında bütün abituriyentlərin (həm əvvəlki illərin məzunu olanlar, həm də 2014-cü ilin məzunları üçün) yalnız ana dili və riyaziyyat fənlərindən bilikləri yoxlanacaqdır.
Əziz dostlar! Səhifəmizə ünvanladığınız çoxsaylı sualları nəzərə alaraq bir daha nəzərinizə çatdırırıq ki, istər sənəd qəbulunun vaxtı, istər imtahanlarla bağlı, ümumiyyətlə, hər hansı istənilən bir yeni məlumat olan kimi dərhal səhifəmizdə yer alacaq.