Məktəbdə ekskursiyaların keçirilməsinin əhəmiyyəti

 Rəfiqə HÜSEYNOVA,

129 nömrəli Məktəbin coğrafiya müəllimi

“Təhsil hər bir dövlətin, ölkənin, cəmiyyət həyatının, fəaliyyətinin, mühüm bir sahəsidir”. Ulu Öndər Heydər Əliyevin söylədiyi bu kəlam məktəbimizin müəllim və şagirdlərinin devizinə çevrilmişdir. Şagirdlərimizin tarix, coğrafiya, ədəbiyyat, rus dili fənlərindən aldıqları bilikləri daha yaxşı mənimsəməsi üçün məktəbimizdə tez-tez ekskursiyalar təşkil olunur, keçmişimizdən bizə xəbər verən tarixi abidələrimizi, görkəmli yazıçı və şairlərimizin ev muzeyinə, “Quba soyqırım memiorial kompileksinə”, Şəhidlər Xiyabanına ekskursiyalar təşkil olunmuşdur. Azərbaycan Prezidenti cənab İlham Əliyevin 30 dekabr 2009-cu il tarixli sərəncamı ilə Quba şəhərində “Soyqırımı memorial kompileksi” 1918-ci ilin may ayında ermənilər tərəfindən törədilmiş Qubanın müsəlman əhalisinin soyqırımının əyani sübutu olmuşdur. Bu qərar 1918-ci ildə ermənilərin bütün ölkə hüdudlarında həyata keçirdikləri cinayətkar əməllərinin dünya ictimaiyyətinə çatdırılması, Azərbaycan xalqının gələcək nəsillərinin milli yaddaşının qorunması və xalqımızın tarixində baş verən hadisələrin dərindən öyrənilməsinə təsir göstərəcəkdir.

10 “A” sinif şagirdlərinin məktəbimizin tarix müəllimi Nübar Səlimova və coğrafiya müəllimi Rəfiqə Hüseynova ilə birlikdə ziyarət etdikləri “Quba soyqırımı memorial kompileksi”nə ekskursiya onların dünyagörüşünə, həyata baxışlarına böyük təsir göstərmişdir. Ötən əsrin əvvəllərində bolşevik-erməni silahlı dəstələrinin Azərbaycan torpaqlarında həyata keçirdikləri etnik təmizləmə və təcavüz siyasəti nəticəsində 1918-ci ilin mart-may aylarında Quba qəzasında 167 kənd tamamilə dağıdılmış, qəzanın müsəlman və qismən də yəhudi əhalisi isə kütləvi şəkildə qətlə yetirilimişdir.

19.01.2015-ci il tarixdə 1-ci sinif şagirdləri sinif rəhbəri Səyyarə Vəliyevanın rəhbərliyi ilə Şəhidlər Xiyabanını ziyarət etdilər. Xiyabanın önündə dayanmış bu birincilər onlara baxdıqca düşüncələrində gələcəkdə vətəninə, xalqına layiq olacağına and içdilər.                              

 Məktəbin 7 “Ş” sinif şagirdləri coğrafiya müəllimi  Rəfiqə müəllimlə birlikdə Azərbaycanın memarlıq incilərindən olan Qız qalası və Şirvanşahlar sarayına səyahəti çox maraqlı oldu. Şagirdlər IV-VI əsrlərdə inşa edilmiş memarlıq abidəsinin hər mərtəbəsində tarixi keçmişimizdən xəbər verən eksponatlarla tanış oldular. Qalanın axırıncı mərtəbəsindən şəhər ovuc içi kimi görünürdü. Son dövrlərdə Bakının necə inkişaf etdiyini, gözəlləşdiyini, buludların arasında Xəzərin ürək döyüntülərini hiss etdik. Belə bir ölkədə yaşadığımz üçün özümüzü xoşbəxt sayırıq. Səyahətimizi Şirvanşahlar sarayına ekskursiya ilə davam etdirdik. Bakının mərkəzində - İçərişəhərdə yerləşən saray kompleksi Yaxın Şərqin ən görkəmli memarlıq abidələrindən biridir. XV əsrdə Şirvanşah I Xəlilullahın dövründə tikilmiş bu memarlıq kompleksini şagirdlər gəzərək Divanxana, Keyqubad məscidi, Şirvanşahlar türbəsi (1435-1436), Minarə məscidi (1441), Seyid Yəhya Bakuvi türbəsi, Murad darvazası (1585) ilə tanış oldular. Şagirdlər müxtəlif mədəniyyət üslubunda tikilən bu tarixi abidələrə baxdıqca düşünürlər: “Bu tikililər niyə belə fərqlidirlər?”. 1964-cü ildən hər iki tarixi abidə muzey-qoruq kimi fəaliyyət göstərməyə başlamışdır. 2000-ci ildə UNESCO-nun Ümumdünya İrs siyahısına salınmışdır.

Azərbaycanın ən gözəl güşələrindən biri olan Şəki şəhəri füsunkar gözəlliyi ilə seçilir. Şəki şəhəri dedikdə “Şəki xan sarayı” yada düşür.
7 “D” sinif şagirdləri sinif rəhbəri Gülxanım müəllimlə birlikdə 1789-1790-cı ildə Məhəmməd Həsən xan tərəfindən tikilmiş  Şəki xan sarayına səyahət etdilər. Şagirdlər sarayın qarşısında dayanıb heyranlıqla dünyada analoqu olmayan ağac və şüşə parçaları bir-birinə geydirilmiş, həndəsi naxışları, nəbatat rəsmlərini, naxışların zənginliyini, rəng çalarlarını, binanın daxilində  divara çəkilmiş quş şəkillərini, döyüş və ov səhnələrini, zövqlə işlənmiş taxçaları, güzgülü buxaraları seyr etdilər.
Gülxanım müəllim dünya şöhrətli türk şairi Nazim Hikmətin saray haqqında fikrini şagirdlərinə söylədi: “Əgər Azərbaycanın başqa qədim tikililəri olmasaydı, bircə Şəki xan sarayını dünyaya göstərmək bəs edərdi”.

129 nömrəli məktəb Rus dili fənni üzrə pilot məktəbidir. Ona görə də
şagirdlərimiz Rusiya səfirliyinin təşkilatçılığı ilə respublikada keçirilən müxtəlif mədəni-kütləvi tədbirlərdə yaxından iştirak edirlər. Müxtəlif şeir, tamaşa, rəqs müsabiqələrində dəfələrlə uğurla iştirak edən şagirdlərimiz mükafatlarla tərtif olunmuşlar.Bu il aprel ayının 25-də Rusiya mədəniyyət və İnformasiya mərkəzində “Puşkin İli” çərçivəsində keçirilmiş layihədə rus dili müəllimi Gülxanım Nağıyeva və şagirdlərimiz Kamalə, Nihad, Həlimə iştrak etdilər. Onlar Puşkinin əsərlərindən, şeir, mahnı və monoloqlar söylədilər.Şagirdlərimizin hazırladığı A.S.Puşkinin “Сказка о золотом петушке”səhnəciyi qonaqlar tərəfində rəğbətlə qarşılandı. Aprelin 29-da yenə də  Rusiya Mədəniyyət Mərkəzində Bakı şəhər Rus dili fənni üzrə keçirilən seminarda nümunəvi bir məktəb kimi “Rusiyanın şəhərləri” çərçivəsində keçirilmiş lahiyədə 6 “B” sinif şagirdləri - İsa, Nicat, Miri və 8 “B” sinif şagirdləri Tural Abbasov və Jalə Həbibova tərəfindən Moskva şəhərinin tarixi, xalq yaradıcılığına həsr  olunmuş şeirlər söylənildi. Moskvaya həsr olunmuş video-klip göstərildi. 8 “B” sinif şagirdi Ayaz Novruzov və məktəb xoru ilə birlikdə Moskvaya həsr olunmuş “Москва-звонят колокола” mahnısı ifa edildi.  129 nömrəli məktəbin 8 “B” sinfinin rəhbəri Kəmalə Nərimanova öz şagirdləri ilə birlikdə 02.12.2014-cü il tarixdə yazıçı dramaturq C.Məmmədqulzadənin ev muzeyində olmuşlar. Şagirdlər C.Məmmədqulzadənin həyat və yaradıcılığına həsr olunmuş şəkillər,fotoalbomlar vasitəsilə geniş məlumat əldə etdilər.