Təsviri İncəsənətin gözəllikləri və incəliklər

Sevda MƏMMƏDOVA,

129 nömrəli Məktəbin rəsm müəllimi

Təsviri incəsənəti olmayan xalq yaşaya bilməz. Rəsm insanın ruhunun aynasıdır. Hər bir rəssam çəkdiyi rəsm və əsərlərdə ya öz daxili dünyasını, ya da gözü ilə gördüyünü təsvir edir. Hər bir rəsmi çəkən insan rəssam ola bilməz. Çünki ona ilham verən daxili dünyasıdır.Təsviri incəsənət dedikdə bir çox məqamlar nəzərdə tutulur.

Məsələn: Qrafika, rəngkarlıq, heykəltəraşlıq, xalçaçılıq, boyaçılıq, rəssamlıq və s. Bunların hər birində rəssamın böyük rolu var.Həyatın, təbiətin, səmanın gözəlliyində belə rəsmin böyük rolu var.

Təsviri incəsənəti olmayan xalq yaşaya bilməz və inkişaf edə bilməz. Bunu zaman göstərir. Təsviri incəsənət xalqın tarixini, mədəniyyətini, keçmişini özünə əks etdirir. Təsviri incəsənət ta qədim dövrdən yaşayır.

Bizim xalqımızın kökünün ta qədim dövrlərə çatdığını incəsənətlə öyrənib, sübuta  yetirmişlər.

Bunlara misal olaraq mağaraların divarlarında, daş və qayaların üzərində qazma və oyma üsulu ilə, yaxud rənglə işlənmiş əsərləri göstərmək olar. Məsələn: Füzulidə - Azıx mağarası, Abşeronda – Qobustan, Naxçıvanda-Gəmiqaya və digər yerlər məşhurdur. Qobustan qayaları üzərində “Yallını”-nı göstərmək olar.Torpağımızın yetişdirdiyi dünya şöhrətli rəssamlarımız var. Bu rəssamlardan Səttar Bəhlulzadə, Lətif Kərimov, Kamil Əliyev və s. başqalarını göstərmək olar. Bunların yaratdıqları rəsm əsərləri dünya muzeylərində göstərilmişdir. Dünya inkişaf etdikcə təsviri incəsənət də inkişaf etmişdir. Biz bunları tədris etdiyimiz siniflərdə şagirdlərin incə əl işləri və rəsmlərində də görürük.

Mütəmadi olaraq məktəbimizin foyesində şagirdlərin çəkdikləri rəsmlərdən ibarət sərgilər təşkil edilir. Ulu Öndərimiz Heydər Əliyevin 92 illiyinə həsr edilmiş sərgi məktəbimizin foyesində təşkil edilmişdir. Bu rəsm sərgisində fəal iştirak edən şagirdlərimiz az deyil. Şagirdlərimizdən...

Onlarda: Rəna Həsənli  7 “D” sinfində oxuyur. Rəsmləri - Neft Daşları, Kanoe, Qızıl balıq, Naxış, Natürmortlar və s.dir. Məktəbdə təşkil olunmuş bütün rəsm sərgilərində fəal iştirak etmişdir. Rəsm sərgisinə görə - Hollandiya səfiri ilə görüşü olub. Buna görə də “Sertifikat” almışdır.

Nərmin Əliyeva  7 “C” sinfində oxuyur.  Yağlı boya, quaş, sulu boya və qələmdən istifadə edərək mənzərə, portret, güldanda gül, dəniz mənzərəsi, gimnastiklər, meyvə şəkilləri, lalə güllərindən təşkil olunmuş rəsmlər, sadə karandaşla həndəsi fiqurlar, payız mövzusunda, güldanda gül, güldan, alma, armud (natürmort), düyülərlə sülh quşu əsəri, qızılgül, qız və s. rəsmlər çəkmişdir.

Ayaz Novruzov 8 “B” sinfinin şagirdidir. Fövqaladə Hallar Nazirliyi tərəfindən keçirilən “Şeir və Rəsm” müsabiqəsində fəxri fərman almışdır. “Bizim qəhrəmanlar” şeirinə rəsm çəkmişdir. Məktəbdə rəsm sərgilərində fəal iştirak edir.

Gilə İsmayılova 9 “B” sinfində təhsil alır. Müztəlif maraqlı rəsmlər müəllifidir. Rəsmlərinə görə  “Sertifikat”lar almışdır. Gilə hazırda Əzim  Əzimzadə adına rəssamlıq kollecinə hazırlaşır. Zəhra Dadaşova da bütün sərgilərdə fəal iştirak edir. Aplikasiya üsulu ilə gül, günəbaxan, (mərci və qara çörək otu) rəsmləri maraq doğurur. Təhməz Təhməzov Rəsm müsabiqəsində yer tutmuş və diplom almışdır.

 Məktəbin foyesində təşkil olunmuş Gül bayramı sərgisində 7 “D”, “A”, “B”, “C”, “Ç” sinif  şagirdlərindən: Səbinə Cabbarovanın - Aplikasiya (Gəlincik), Şah İbrahim, Tanya - Güldanda gül rəsmi (boya), rəngli kağızlardan güldanda gül, “Xocalı”, Fatma Həsənovanın - Gül Bayramına səbətin üzərinə rəngli atlas lentlərdən düzəltdiyi güllər, 8 mart, Novruz bayramına aid əl işləri, Raziyyə Kazımlının Gül buketi, Ruhiyyə Osmanlının Pinqivin (tum ilə), bayraq (muncuq ilə) boya ilə rəsmləri, Kəmalə Əbilqasımzadənin toxunma əl işi,  Sahibə Qədirovanın rəsm vərəqi üzərində Güldanda gül- (toxuma və boya) səbət - hörmə ilə işləri, Ruhiyyə Bayramovanın zərli saplardan səbətdə gül,  Həlimə Bayramovanın səbətdə gül, Muxtar Əlizadənin rəngli kağızlardan gül, Afaq Abbasovanın güllərdən gül çələngi, Fidan  Məmmədovanın rəngli kağızlardan gül buketi, Mehman Mirzəyevin mənzərə, Vüsal Hətəmovun da eyni zamanda mənzərə rəsmləri nümayiş olunur.

129 nömrəli tam orta məktəbdə tədris etdiyim Təsviri incəsənət dərsinə şagirdlərin marağı çoxdur. Şagirdlərin məktəbin foyesində Beynəlxalq Müəllim gününə, “20 Yanvar”, “Xocalı faciəsi”nə, “8 Mart”a, “Novruz bayramı”na, Ulu Öndərimiz Heydər Əliyevin 92 illiyinə həsr edilmiş sərgiləri - müəllim kollektivi, məktəbdə təhsil alan şagirdlər tərəfindən bəyənilmişdir.

Dünya inkişaf etdikcə - Təsviri-İncəsənət gözəllikləri və incəlikləri ilə yaşayır. Zaman göstərir ki, təsviri incəsənət yaşayır və                                                                       yaşayacaqdır.