Lənkəran təhsil işçiləri ilə maraqlı görüş

24 dekabr 2014-cü il tarixində Lənkəran şəhərindəki 4 nömrəli məktəb-liseydə Azərbaycan Təhsil Şurasının sədri professor Əjdər Ağayevin rayonun təhsil ictimaiyyətinin nümayəndələri ilə görüşü keçirildi. Görüşdə professor Əjdər Ağayev “Təhsil Nazirliyinin təşkilatçılığı ilə həyata keçirilən “Elektron yeniliklər” mövzusunda çıxış etdi.

Əjdər Ağayev qeyd etdi ki, son dövlər Təhsil Nazirliyi bir sıra çevik tədbirlər həyata keçirir. Bu tədbirlərin əsasında müəllimlərin texnologiyalardan istifadəsi dayanır. Bu gün artıq Azərbaycanda “Elektron hökümət” yaradılıb. Təhsil Nazirliyi də bir struktur olaraq özünün elektronlaşmış fəaliyyətini davam etdirir. Bu günlərdə Bakıda Təhsil Nazirliyinin iştirakı ilə geniş təqdimat keçirildi. Təqdimatda əsas məqsəd ondan ibarət idi ki, bu gün elektron vasitələrdən istigafdəni genişləndiririksə, deməli bütün müəllimlər İKT-dən istifadəni bacarmalıdır. Əjdər Ağayev bildirdi ki, Təhsil Nazirliyi Təhsil Şurasına bu sahədə təbliğat işi aparmağı tövsiyə edib.

SƏHNƏCİK: “ TIQ-TIQ XANIM”IN NAĞILI

 Məktəbli oxusu

Təhsil naziri Mikayıl Cabbarov ümumtəhsil məktəb şagirdlərinin mütaliə vərdişlərinin təkmilləşdirilməsi və onlarda mütaliə mədəniyyətinin formalaşdırılması ilə bağlı tədbirlər barədə əmr imzalamışdır. Mütaliə insanı formalaşdırır, inkişaf etdirir, nitqini zənginləşdirir. Elə buna görə də şagirdlərdə birinci sinifdən başlayaraq mütaliəyə maraq yaratmaq lazımdır. Ancaq hələ “Əlifba”nı tam öyrənməmiş şagirdlərə səhnəciklər vasitəsilə hər hansı bir əsəri mənimsətmək olar.

Səttar Bəhlulzadə adına Xarici Dillər Təmayüllü Gimnaziyanın Id sinfinin şagirdləri də Abdulla Şaiqin “Tıq-Tıq xanım”əsərini səhnələşdirərək gimnaziyanın Akt zalında nümayiş etdirdilər. Səhnəcik şagirdlər, valideynlər və müəllimlər tərəfindən maraqla qaşılandı. Həmin ssenarini və şəkilləri oxucularla paylaşırıq.  

Şəhidlər qəlbimizdə yaşayırlar

14.01.2015-ci il tarixində Hacıqabul rayonu, Meyniman kənd tam orta məktəbində  məktəbin məzunu  Qarabağın azadlığı uğrunda qəhrəmanlıqla vuruşaraq canından keçmiş şəhid Tacir İsgəndərovun anım günü qeyd olundu. Tədbirdə  şəhidin  qardaşı və bacısı,  Hacıqabul rayon İcra hakimiyyətinin nümayəndəsi Rəşad Səmədov, Təhsil şöbəsinin əməkdaşı Kifayət Əmirbəyova, şəhidin döyüş və sinif yoldaşları iştirak etdilər.

Maarif fədailərinin xatirəsinə həsr olunmuş muzey

 “Milli ənənələrimizin nə qədər dəyərli olduğunu dünyaya gələn yeni nəsillərə çatdırmaq və onları bu ənənələr ruhunda tərbiyə etmək üçün muzeylər lazımdır və bu muzeyləri qoruyub saxlamaq vətəndaşlıq borcumuzdur.”

                                                                                                          Heydər Əliyev

Tədbir Mahmudov 2011-ci ilin iyulunda yaşa görə işdən getsə də, o, əti-qanı ilə, iliyi-sümüyü ilə bağlandığı bu peşədən ayrıla bilmir və heç kəs də onu bu sevimli və vurğunu olduğu işindən ayıra bilməz.

Tədbir müəllim çoxdan arzusunda olduğu “Təhsil muzeyi”nin yaradılması işini reallaşdırmaq məqsədilə Təhsil nazirliyinə və rayon rəhbərliyinə rəsmi müraciət etdi. Aldığı bu müsbət cavab onu çox sevindirdi. Əlbəttə, bu iş çox çətinliklərdən sonra  başa gəldi. 2010-cu ilin 15 yanvarında muzeyin ictimai əsaslarla yaradılması haqqında  RTŞ-si xüsusi əmr də imzaladı, şəhər 2 saylı tam orta məktəbin istifadə olunmayan sahəsində 3 münasib otaq da ayrıldı.

Köçkün məktəblərimiz

Rubrikamızın qonağı Zəngilan rayon 4 nömrəli tam orta məktəbdir.

Təcrübə sözünü deyir

Qarabağın taleyini yaşayan məktəblərimizdən biri haqqında bəhs etmək istəyirəm. Səməd Behrəngi adına Zəngilan rayon Bartaz dayanacağı kənd orta məktəbinin varisi olaraq Bakıda fəaliyyət göstərən 4 nömrəli tam orta məktəb haqqında... 1993-cü ildən köçkünlük həyatı yaşayan bu təhsil ocağı köçkünlüyünün ilk illərində Bakının Binəqədi rayonunun 83 nömrəli tam orta məktəbinin mərhəmətinə sığınıb. 83 nömrəli məktəb liseyə çevrildikdən sonra 1995-ci ildə 126 nömrəli tam orta məktəb öz qapılarını köçkünkünlük həyatı yaşayan bu təhsil ocağının üzünə açıb. 3 il burada fəaliyyət göstərdikdən sonra-1998-ci ildə 6 nömrəli peşə məktəbinin bazasında məskunlaşan pedaqoji kollektiv 2009-cu ildən məxsusi olaraq onlar üçün Dövlət Qaçqınlar Komitəsi tərəfindən inşa edilən 260 şagird yerlik məktəbə köçüb. Bir vaxtlar dörd yerə bölünmüş bir sinif otağında dərs keçən pedaqoji kollektivin ixtiyarına bu gün hər cür təminatlı sinif otaqları, laboratoriyalar, idman zalı, informasiya-kommunikasiya texnologiyaları verilib. Bu gün bu məktəbdə yalnız Zəngilandan olan köçkün uşaqlar deyil, ağdamlı, şuşalı, kəlbəcərli, qubadlılı uşaqlar da təhsil alır.

Xəlil Rza Ulutürkün publisistikasına dair

Milli  ədəbiyyatımızın   tərkib  hissələrindən  biri  kimi  publisistikanın  da  özünəməxsus  cəhətləri  vardır. Geniş  mənada  ifadə  etsək, siyasi  və  ictimai  həyat  məsələlərini  işıqlandıran  ədəbiyyat  növü  kimi  publisistika  eyni zamanda  cəmiyyətin  həyatına  həsr  olunan  kəskin, mübariz  ruhlu  ictimai – siyasi  və  elmi ədəbiyyatdır.

MÜASİR TƏRBİYƏ SISTEMİNİN VƏZİYYƏTİ

Tərbiyə prosesi ziddiyyətli və uzun sürən prosesdir. O, məktəbəqədər dövrdən başlanır və əmək  fəaliyyəti prosesində davam edir. Yeniyetməlik dövründən insan özünütərbiyə ilə məşğul olmağa başlayır. İnsanda olan qüsurların tərbiyə yolu ilə aradan qaldırılması yenidəntərbiyə adlanır. Məktəbdə tərbiyə prosesini xarakterizə etmək üçün “yumşaq” meyarlar tətbiq olunur. Onlar müəllimlərə tərbiyə prosesinin gedişi və nəticələri haqqında ümumi təsəvvürlər almağa kömək edir. Bu meyarlar şəxsiyyətin bütün keyfiyyətlərini kompleks halda öyrənmək üçün deyil, ancaq ayrı-ayrı keyfiyyətlərini (əxlaqi, əmək, estetik və s.) öyrənmək üçün nəzərdə tutulur. Şəxsiyyət bütöv bir varlıqdır, onun bütün keyfiyyətlərini və əlamətlərini kompleks halda öyrənmək lazımdır.

Söz ilə əməl arasındakı ziddiyyətlər tərbiyə işində bir çox çətinliklərin və nöqsanların yaranmasına səbəb olur. Pedaqoqlar xarici təsirlərlə məktəblilərin daxili meylləri arasındakı ziddiyyətlərə münasibətdə xüsusilə diqqətli olmalıdırlar.. Uşağın hərəkətinin daxili məzmununa diqqətsizlik pedaqoqun fəaliyyətini uğursuz edə bilər.

İngilis dili dərslərində qrammatik qaydaların müqayisəli tədrisi

Məlumdur ki, hər hansı bir dil üç aspekdə öyrənilir. Bu, fonetika, qrammatika və leksikadan ibarətdir. Bu əlaqələr üzvü surətdə bir-biri ilə bağlıdır və onlar tədris prosesində bir-birini tamamlayır. Xarici dilin tədrisində şifahi nitq mühüm rol oynadığı üçün ona təsir göstərən amillərdən biri də dilin qrammatikasıdır. Bunun üçün də qrammatik qaydaların öyrədilməsi əsas götürülməlidir. Çünki xarici dildə düzgün danışmaq və başa düşmək üçün qrammatikanı bilmək vacibdir.

   Məlum olduğu kimi hər bir dilin özünün qrammatik quruluşu və xüsusiyyətləri var. Bu əlamətlər də bir dili digərindən fərqləndirir. İngilis və Azərbaycan dillərində olduğu kimi. Bu dillər müxtəlif dil qruplarına mənsub olmaqla müxtəlif və fərqləndirici xüsusiyyətlərə malikdir. İngilis dili Hind-Avropa dilləri ailəsinin Cənubi-German qrupuna mənsub olub analitik dil hesab olunur. Azərbaycan dili isə türk dillərinin oğuz qrupuna daxil olub

Daha böyük uğurlar sorağı ilə

Astaraya çoxdan idi ki, yolum düşmürdü. Amma buna baxmayaraq rayon təhsilində son illər görülən işlər barədə mətbuatdan məlumat alır,  Rayon Təhsil Şöbəsinin müdiri Qızbəs Məmmədovanın müsahibələrini izləyir, əldə olunan uğurları müşahidə edirdim. Düşünürdüm ki, zəngin ənənələri, tarixi olan Astara təhsili bu gün də özünün yenilikçi müəllimləri, novator idarəediciləri ilə yeni tarix yazmaq gücündədir.

Qızbəs Məmmədova ilə söhbətimdə də buna bir daha əmin oldum. Qızbəs Məmmədova təhsil sahəsinin o idarəedicilərindəndir ki, təhsildə tətbiq olunan bütün yenilikəri ilk olaraq rəhbərlik etdiyi rayonun təhsil ocaqlarında tətbiq etməklə uğurların əsasını qoyur. Bu yanaşmanın nəticəsidir ki, Astara məktəblərinin qapısı yenilikləri tətbiq etmək üçün həmişə açıq olmuşdur. 

O, 2004-cü ildən Rayon Təhsil Şöbəsinə rəhbərlik edir. Bu illər ərzində Astara təhsilində çox böyük dəyişikliklər baş verib. Deyə bilmərəm ki, bütün dəyişikləri məhz Qızbəs Məmmədova həyata keçirib. Yox. Amma o, bütün bu işlərin mərkəzində dayanmaqla, aparıcı qüvvələrdən biri olub. Pedaqoji prosesi, təlim – tərbiyə məsələlərini, müasir dünyada təhsilin inkişaf dinamikasını mükəmməl bilən mütəxəssis kimi dəyərli məsləhətləri, praqmatik yanaşması ilə görülən işlərə təkan verməyi bacarıb.

XƏZƏR UNİVERSİTETİ DÜNYANIN ƏN YAXŞILARI ARASINDA

Bu günlərdə Xəzər universitetində bu ali təhsil ocağının rektoru, professor Hamlet

İsaxanlı “Azərbaycanda ali təhsilin inkişafı və dünya reytinq cədvəlləri” mövzusunda mətbuat konfransı keçirdi. Hamlet İsaxanlı qeyd etdi ki, müasir dünyada yaxşı ali məktəb elmi tədqiqat gücü, maddi-texniki bazası, kadr potensialı və keyfiyyətli təhsil verməsi ilə tanınır. Müasir dünyada ali məktəb də müasir, modern olmalı, yeni inkişaf meyllərini nəzərə almalı, bu inkişafın hazırlanmasında iştirak etməli, dünyada yeri görünməlidir. Bir ali məktəbin adı-sanı onun beynəlxalq aləmdə tanınması, dünyanın digər ali təhsil və elm ocaqları, böyük şirkətlər və dünya mediası tərəfindən bəyənilməsi ilə birbaşa bağlıdır.

144 nömrəli tam orta məktəbdə 20 yanvara həsr olunmuş tədbir

16 yanvar 2015-ci il tarixdə Bakıdakı 144 nömrəli tam orta məktəbdə 20 yanvar

şəhidlərinin xatirəsinə həsr olunmuş ədəbi-bədii kompozisiya keçirildi. Tədbirdə Azərbaycan Təhsil Şurasının sədri professor Əjdər Ağayev, “Təhsil və zaman” qəzetinin redaktoru Böyükağa Mikayıllı, məktəbin pedaqoji kollektivi, şəhid ailələri, şagirdlər iştirak edirdilər.

20 yanvar şəhidlərinin xatirəsinə matəm ab-havasına bürünmüş məktəbin akt zalında keçirilən tədbir Azərbaycan Respublikasının Dövlət Himni il açıldı, şəhidlərin ruhu bir dəqiqəlik sükutla yad edildi. Şagirdlərin ifasında vətənpərvərlik ruhlu mahnılar  oxundu, şeirlər söylənildi. Bir-birini əvəz edən kompozisiyalar şəhidlərin ruhuna ağı kimi səslənir, vətənpərvərlik hissləri aşılayırdı.

Ən böyük uğur-həyati bacarıqlara yiyələnmək

İnteqrativ şəraitdə qurulan dərslər təfəkkür çevikliyinin  inkişafını təmin edən mühüm şərtlərdəndir.

Müəllimin təlim prosesində əldə etdiyi nailiyyətlərin əsasında, fikrimcə, şagird qəlbini ələ almaq, onun məhəbbətini qazanmaq, sinifdə mənəvi-psixoloji mühiti təmin etmək bacarığı dayanır. Hər bir şagird qəlbinin öz incəlikləri, öz sirli aləmi var. Müəllim elə psixoloji, metodik hazırlıq qabiliyyətinə malik olmalıdır ki, hər bir şagirdinə onun mənəvi psixoloji aləminə müvafiq yanaşmaqla, şagirdinin mənəvi aləminin formalaşmasına müsbət təsir göstərə bilsin. Haqqında bəhs edəcəyim Bakının Sabunçu rayonundakı 67 nömrəli tam orta məktəbin ibtidai sinif müəllimi Ülviyyə Aslanova da məhz belə müəllimlərdəndir. Ülviyyə Aslanovanın tədris prosesinə pedaqoji yanaşmasının əsasında da məhz şagird qəlbinin, şagird istəklərinin, arzularının təmin olunması dayanır. Müşahidə etdiyim riyaziyyat və Azərbaycan dili dərslərinin hər

Vətəndaş mövqeli müəllim

Fərqanə Abbasovanın şagirdləri dünyanın mənzərəsini sanki qəlblərinə çəkir və bütün dünyaya öz qəlblərinin pəncərəsindən baxırdılar.

Dərsin elə məqamları olur ki, həmin məqamlarda müəllimin biliyi, bacarığı, elmi dünyagörüşündən savayı, psixoloji, mənəvi yanaşmaları daha mühüm əhəmiyyət kəsb edir. Bir baxış, bir söz belə, şagirdin ruhi-mənəvi aləminə təsir etməklə, onun mövzunu mənimsəməsində, qoyulan problemi dərk etməsində müstəsna rol oynayır. Bəzən bir məqam belə, şagirdin gələcək həyat yolunun müəyyənləşməsində mühüm təsirə malik ola bilər. Bakının Sabunçu rayonundakı 215 nömrəli tam orta məktəbin ingilis dili müəllimi Fərqanə Abbasova dərs prosesini şagirdlərinin arzu və istəkləri, onların dərketmələri səviyyəsində qurmaqla əsl öyrədici mühit yaratmağı bacaran müəllimlərdəndir. Onun müşahidə etdiyim dərsləri bir çox məqamlarla yadımda qaldı. Onlardan ən mühümü odur ki, o, dərs prosesinin hər dəqiqəsindən səmərəli istifadə etməklə, məqsədlərinə nail olmağı bacardı. Və qeyd etdiyim kimi, elə bir öyrənmə mühiti yaratdı ki, burada hər bir şagirdin fəallığının təmin olunması labüd idi.

Elm xadimi-milli ruh və təfəkkür sahibi Azərbaycan Təhsil Şurasının sədri professor Əjdər Ağayevin azgead.az-a müsahibəsi

Əjdər Ağayev: “Elm haqqında qanun layihəsi hazırlanır, səsverməyə də çıxarılacaqdır. İstərdim ki, bu qanunda gənc tədqiqatçılara xüsusi yer versinlər.”

 Universitetlərdə əsasən də bakalavr dərəcəsi almaq istəyən tələbələrimizə nə tövsiyə edərdiniz. Sizcə, tələbələri elmə meylləndirmək üçün nə etmək lazımdır?

Birinci yol bakalavr pilləsində təhsil alan  tələbələrin elmi araşdırma mədəniyyətini dərinləşdirmək üçün fakültələr, ayrı-ayrı kafedralar tərəfindən xüsusi dərnəklər və yaxud cəmiyyətlər  təşkil edilməlidir. Məsələn, “Tələbə elmi cəmiyyəti” təşkil edilir və onların hər bir qrupda bir nümayəndəsi təmsil olunur. Belə dərnəklərə araşdırmağa meylli olan tələbələr cəlb olunur və bu sistemli olaraq fəaliyyət göstərir. Bu dərnəyin fakültədə rəhbəri olur. Yəni beləliklə bu dərnəyin özü araşdırmalara meylli olan tələbələri seçib inkişaf etdirir. Məsələn, mənim tanıdığım tələbələr vardır ki, öz fakültələrində bu cür dərnəklərdə iştirak etməklə sonda elmi tədqiqat işçisi olublar və lazımi vərdiş qazanıblar. Əsas yollardan biri məhz budur.

İkinci yol isə tələbənin fərdi yollarla araşdırma imkanlarıdır. Özü araşdırma apara bilər, amma ona da mütləq nəzarət edən, məsləhət verən birisi olmalıdır. Çünki tələbə əlbəttə ki hər şeyi bilə bilməz.

Üçüncü yol isə tədqiqat və müsabiqələr yoludur. Tələbə bu müsabiqələrə, yarışmalara qoşulmaq yolu ilə ilkin araşdırma vərdişləri qazana bilər.

Bu formalaşma həmin tələbəyə bakalavrdan sonra magistratura pilləsinə daxil olduğu zaman ona normal dissertasiya işi yazmaq imkanı verəcək.

Anlamanı yoxlamağın ən sadə üsulları (Ways to check for student understanding)

 Hər bir müəllimin bildiyi kimi, təlimin son məqsədi şagirdin anlaması

, başadüşməsi,qavramasıdır. Öyrətmə  prosesində dəfələrlə şahidi olmuşuq ki, təlimi  şagirdlərlə söhbət, səmimi   ünsiyyət şəraitində aparanda nəticə daha qənaətbəxş olur. Bəzən böyük bir materialı qısa zaman kəsiyinə sığışdırmaq məcburiyyətində qalırıq. Hər dəfə də ümid edirik  ki,  şagirdlərimiz, yəqin ki, başa düşdü, qavaradı. Bölmənin yekununda apardığımız test yoxlamalarının nəticəsi kafi olduqda  isə bu ümid əminliyə çevrilir və biz öz işimizi görülmüş hesab edirik. Düşünürük ki, bu tapşırıqlar şagird dərk etməsinin, qavaramasının səviyyəsini   müəyyən etməyə yetəcək. Nəticə bizi qane etdikdə isə mövzunu tədris edilmiş hesab edirik. Bu tip yoxlamalardan sonra isə çox vaxt zəif cəhətləri  üzə çıxartmaq üçün, yaxud da qaranlıq tərəfləri müəyyən etmək üçün  vaxt qalmır. Əgər qalarsa belə qiymətləndirilmiş bir şagird üçün öz səhvlərini analiz etmək, bilmədiyini öyrənmək maraqsız olur. Bunun ücün də ən optimal yol qiymətləndirməni gündəlik dərslərimizdə müxtəlif strategiya və üsullarla həyata keçirməkdir. Bu üsullar şagird üçün maraqlı və orjinal olmalıdır və qiymət xətrinə aparılmamalıdır. Düşünürəm ki, aşağıdakı sadə qiymətləndirmə yolları və metodları  bizə təlimdə daha fəal,  planlaşdırmada daha səmərəli olmağa kömək edə bilər. Əsasən də, xarici dil fənninin tədrisində keyfiyyətin yüksəldilməsinə  istiqamət verər.

Azərbaycanda Ahıskalı türklərin məskunlaşmasının onların sosial həyatında əhəmiyyəti (Əvvəli ötən sayımızda)

Xalq içərisində verilmiş fərmanların çatışmazlıqları barədə ilkin mülahizələr, müzakirələr, bu

vəziyyətdən çıxış yolları araşdırılmasına başlandı. Xalqın qeyrətli, müdrik və cəsarətli övladları heç nədən qorxmadan Moskvaya-Mərkəzi Komitəyə, SSRİ Ali Sovetinin Rəyasət heyətinə yazılı mürciətlər edirdilər. Xalqın adından dövlət rəhbərlərinin qəbuluna düşməklə onların həyatında yol verilmiş haqsızlığın bərpası uğrunda mübarizəyə başladılar. Lakin bu müraciətdən o dövrdə heç bir konkret cavab əldə olunmadı. Qəbula gedən nümayəndələrə məsləhət görüldü ki, indiki vaxtda sizin müraciətinizə baxılmayacaq və baxılarsa da, sizin xahişinizi yerinə yetirmək mümkün olmayacaq. Müraciət edənlər Mərkəzi Komitənin binasında olarkən Azərbaycan respublikasının o zaman Mərkəzi Komitədə işləyən nümayəndəsi  İslam İsrafilzadə

ELEKTRON LÖVHƏDƏ RİYAZİYYATIN TƏDRİSİ

İsmayıllı rayon Cülyan kənd tam orta məktəbində 15 ildir ki, riyaziyyat müəllimi kimi fəaliyyət göstərirəm. Bu gün müasir təlim metodlarından istifadə etməklə dərslərimdə böyük ugurlar qazandıgımı acıq-aşkar hiss edirəm. Cəbr və həndəsə dərslərində müasir təlim metodlarından və İKT-dən  istifadə edərək ugurlu nəticələr əldə edirəm.

Bu yaxinda V sinifdə riyaziyyat dərsində “KVADRAT, DÜZBUCAQLI VƏ ÜÇBUCAGIN PERIMETRI“ mövzusunda acıq dərs kecirtdim. Dərsimdə interaktiv üsulların bir coxundan istifadə etdim və 45 dəqiqə ərzində  məqsədimə nail oldum.

Coğrafiya qalib gəlmək elmidir

Əziz oxucu! “Coğrafiyanı öyrənmək nə üçün lazımdır?“ sualına siz yəqin ki, belə cavab verərdiniz: dünyanı tanımaq, uzaq-uzaq ölkələr və o ölkələrdə yaşayan insanların həyat tərzi, məşğuliyyəti, eləcə də təbiətdə baş verən təbii hadisələrin səbəbini öyrənmək üçün. Bəzən orta məktəb şagirdləri coğrafiyanı televizorda, mətbuatda rast gəldiyi krossvrdlara, çaynvordlara cavab tapmaq üçün öyrənir. Nə gizlədək,  çox təəssüf ki, coğrafiyanı qiymət xatirinə oxuyan şagirdlərimiz də var.

Gəlin bir anlığa düşünək ki, coğrafiya orta məktəbdə tədris olunan heç də adi bir fənn deyil. Məsələn, coğrafiyanın “qalib gəlmək haqqında elm” olduğu barəsində heç düşünmüsünüzmü? Mənim fikrimcə, şagirdlərimizə coğrafiyanı sevdirməyin daha bir yolu onun məhz bu tərəflərini açıqlamaqdır.

Qədim dövrlərin məğlubedilməz sərkərdələri sayılan Mete xan, Atilla, Şah İsmayıl Xətai, Babək və s. əslində həm də coğrafiyaçılar olmuşlar.

Tələbə yaradıcılığı...................... Aç əlini səmaya...

Aç əlini səmaya...Mütləq bir şey düşəcəkdir ovucuna. Buludlardan süzülən bir damla su, yağış ya ağaclarda gah xəzəl olmuş saralmış-solmuş, ömrünü başa vurmuş, gah da yamyaşıl təzə doğmuş bahar  ətirli külək vurmuş heç eyləmiş bir  yarpaq.Torpaqdan qopan tozdu hava, o da gəlib hopacaqdır ovucuna. Aç əlini səmaya...Aç əlini göylərə...Axı göylərdədi həyatımızın hikməti. Taleyimizin, qismətimizin yazarı-Təkbirimiz! Ya Kərim Allahımız! Nə vaxtsa gedəcəyik torpağa.

“Promethean Activboard‎” – “Ağıllı lövhə”nin təbiət fənnlərinin tədrisində rolu

Böyük potensiala, dərin məzmuna malik olan hikmətli sözlər, ilahi kəlamlar insanda yüksək mənəvi- əxlaqi keyfiyyətlər yaradır. Müxtəlif tarixi dövrlərdə yaşamış filosoflarımızın, şair və yazıçılarımızın, ictimai-siyasi, dövlət, elm və mədəniyyət xadimlərimizin  qiymətli kəlamları bu gün bəşəriyyətin mənəvi zənginlik mənbəyinə çevrilmişdir.

Təhsil fasiləsiz prosesdir. Bu gün Azərbaycanda əsas  problemlərdən biri təhsilin dünya standartları səviyyəsinə çatdırılmasıdır. Bu prosesdə uğurlu iştirak etmək üçün  müasir tələblərə cavab verən təhsilə malik olmalıyıq. Təhsilımız daim təkmilləşdirilməlidir. Bütün bunlar təhsil işçilərinin, biz müəllimlərin  üzərinə düşən böyük vəzifədir. Təhsil sistemində aparılan islahatlara, müasir kurikuluma əsaslanaraq qurulan dərslərdə interaktivlik-yeni texnologiyalardan istifadə üstünlük təşkil edir. İKT-dən istifadə etməklə ölkəmizdə beynəlxalq standartlara uyğun, vahid elektron təhsil məkanının yaradılmasını və təhsil sisteminin dünya təhsil səviyyəsinə  inteqrasiya etdirilməsi əsas məqsəd kimi qarşıya qoyulur. İKT-nin inkişaf etdiyi bir dövrdə hər bir müəllim daha da keyfiyyətli, səmərəli dərs təşkil etmək üçün elektron dərslərə üstünlük verir. Elektron dərslərin tətbiqi  müasir məktəblərdə, litseylərdə geniş vüsət almış və uşaqların maraq obyektinə çevrilmişdir. Eyni zamanda, elektron dərslərin gerçəkləşməsi bir çox layihələrin yaranmasına səbəb olmuşdur. Buna misal olaraq qeyd edə bilərik ki, hal-hazırda elektron kitabxanalar, elektron test sistemi, elektron təhsil bugünki təhsil sistemimizin əsasını təşkil edir. Bu dərslər vasitəsilə uşaqlarda informasiya əhatəsi daha da genişlənir və əlçatılmaz  obyektlər şagirdlərin canlı müşahidəsinə çevrilir, şagirdlərin xəyal etdikləri hadisələr reallaşır. Elə isə gəlin birlikdə elektron dərslərin müsbət və mənfi cəhətləri ilə tanış olaq:

ŞƏHİDLƏR UNUDULMAZ...

 Ələkbərov Azər Əlizadə oğlu 27 iyul 1973-cü ildə Salyan rayonunun Gəncəli kəndində dənizçi ailəsində anadan olmuşdur. Orta məktəbini Gəncəli kənd orta məktəbində almışdır. Onun arzusu orta məktəbi bitirəndən sonra dənizçilik məktəbinə daxil olub, atasının yolunu davam etdirmək idi.Azər orta məktəbi bitirdikdən sonra birinci il dənizçilik məktəbinə qəbul oluna bilmədi. 3 iyun 1992-ci ildə Salyan rayon hərbi komissarlığı tərəfindən ordu sıralarına çağırıldı. İlk gündən N saylı hərbi hissənin artilleriya divizionunda xidmətə başladı. Az müddətdə rabitəçi peşəsinə yiyələndi və bu sahədə ustalaşdı. Komandirin bütün tapşırıqlarını şərəflə yerinə yetirdi. Beş dəfə hərbi hissə komandanlığının yazılı təşəkkürünü qazandı. Döyüş yoldaşları arasında böyük nüfuz sahibi oldu. Azər 16 iyun 1993-cü ildə Ağdam rayonunun Qalayçılar kəndinin müdafiəsi uğrunda gedən ağır döyüşlərdə hərbi tapşırığı yerinə yetirərkən qəhrəmancasına şəhidlik zirvəsinə yüksəldi. İgid şəhidimiz 1993-cü ilin iyun ayında doğulduğu kəndin qəbristanlığında torpağa tapşırıldı. Dəfn mərasimində çıxış edən hərbi hissə komandiri Ələkbər son sözünü belə bitirdi. Mən əsgər yoldaşımı yox, qardaşımı itirdim. Şəhidlər heç zaman unudulmurlar. Onlar hər birimizin qəlbində yaşayırlar.

İndi onun dənizçi olmaq arzusunu qardaşları Natiq və Elşad davam etdirirlər.

Hacı Əlvan HƏŞİMOV. 

“İşıq” 2-ci hissə

Əjdər üçün dünyanın mütərəqqi pedaqoji fikir tarixi, zəngin keçmişə malik olan məktəblər, qabaqcıl müəllimlərin iş təcrübəsi  həmişə böyük maraq kəsb edirdi. Bu istiqamətdə apardığı tədqiqatlar fakt, fikir, ideya zənginliyi ilə seçilirdi. O, dünyanın aparıcı fikir adamlarının xüsusilə təlim-tərbiyə, şəxsiyyətin formalaşmasının pedaqoji-psixoloji  istiqamətləri sahəsində fikirlərini  tədqiqata cəlb edir, bu sahədə özü də orijinal fikirlər irəli sürürdü. Bu yazılar, bu fikirlər əvvəllər də yazdığımız kimi, ruhi-mənəvi bağlılığın nəticəsi kimi dərin analitik aspektdə meydana çıxırdı. Onun ruhi-mənəvi bağlılıq qurduğu tarixin görkəmli şəxsiyyətləri, elm adamlarının milli mənsubiyyəti də fərqli idi. Əsas məqsəd dünyanın qabaqcıl pedaqoji düşüncəsini zəmanəsinə gətirmək idi. Birmənalı olaraq deyə bilərəm ki, Əjdər Ağayev şəxsiyyətin formalaşdırılması probleminin köklərini klassik fikir, mənəviyyat, mədəniyyət qaynaqlarında axtarırdı. Övlad tərbiyəsini bu qaynaqlar üzərində qurmağı tövsiyə edirdi.